Paste Billy Beaufils Komet 7 peche kapito

Johni Saint-Sauveur

Lekte biblik yo  akeyi ak anpil tristes deklarasyon Paste Billy Beaufils fe sou Jounal L’Informateur ki   paret nan premye paj nimewo mwad Jen  2014 la kote entevenan di san referans kle sije sou peye ladim nan legliz pa paret okenn kote nan Nouvo Testaman an. Li fe konprann kretyen nan legliz yo dwe bay plis paske moun ki bay anpil ap jwenn anpil, men fe chich ak Letenel  kenbe benediksyon ekonom yo.

Nou tonbe dako ak lide ‘’Mission Theophile’’ la,  sije dim nan gen baz li plante byen fon nan Ansyen Testaman an depi nan epok patriyach yo dapre rapo Moise ekri nan liv Jenez la ‘’Abraham te konn remet dim nan tout sa li posede’’ Jenez 14:20. Pita Jacob pran angajman devan Letenel si vwayaj li ap antrepran nan peyi paran manman l yo byen pase pou  aji dapre prensip peye dim nan, li Jenez 28 :22.

Sou gouvenman teyokratik la, pep Israel la te gen komand pou aplike prensip dim nan ki te dwe sevi pou pran swen levit yo( sakrifikate ak souveren sakrifikate a) ki te konsakre nan fe sevis sasedotal  lajounen tankou lannuit nan sanktye a, kelkeswa le Letenel bay lod pou kanpe mach la oubyen deplase, gade Levitik 27 :30-33. Menm Klas prêt sa yo te dwe pou kont pa yo remet dim nan kontribisyon dim yo resevwa pou sevis yo(Nomb 18 :26).

Pandan ministe li sou late, nan levanjil sinoptik yo, Jesus fe referans nan kek sikonstans ki pa fin two kadre ak sije  sou  prensip dim nan, men ki pote eklesisman tankou dim pa reprezante yon pyon ki jwe yon wol premye plan nan kesyon lavi etenel la(Matt 23 :23 ak Luc 11 :42). Met la ranvese piramid la san li pa kraze pratik sa.

Yon lot kote, Istoryen Luc ki t ap travay sou kont Theophile relate yon parabol ki mete yon farizyen ak yon pibliken nan senaryo a ( Luc 18 :12). Fe yon bon egzejez teks la pou dekouvri leson moral Jezu fe pase pou kondane ogey ak pretansyon farizyen an ki sevi ak pratik peye dim nan pou jije lot moun epi fe konpran li déjà sove . Sel sous Sali a, se Jezukri.

Apot Paul nan pakou li te abitye suiv nan vwayaj misyone yo te konn mande moun ki enterese pou soutni lot kretyen k ap soufri avek resous Bondye ba yo sou fom lakolet. Kontribisyon sa te kapab pran tout fom tankou kotizasyon finansye ki te abitye kolekte lakay kwayan yo, se pa nan sevis adorasyon jan anpil predikate ap preche sije sa ( 1 Cor 16:2).

Si se te jou sevis adorasyon nan legliz, Paul ta di moun yo vini ak kotizasyon yo konsa li pa t ap bezwen pase lakay yo. Objektif lakolet se pou fe byen ak fidel ki nan nesesite (Gal 6 :10) ; se pa pwovizyon pou pwofite peye Paste ak predikate, ni peye bil legliz yo. Depans sa yo kouvri dapre sistem ekonoma ki reyini dim ak ofrann(Mal.3 :10) .

Paste Billy Beaufils sevi ak ekri Paul yo pou vyole epi touye lespri apot la yon dezyem fwa le li avanse san prev nouvel alyans la mande pou bay plis pase vale prensip dim nan te reklame, dapre 2 Cor. 9:7 . Pwofet Malachi te déjà kondane lide koripsyon sa alafwa pou ekonom ki sere lajan dim nan poch yo, nan labank (Mal. 3 : 8) ;  ak pou predikate k ap egzije fidel yo plis pase nivo labib mande (Apoc. 22 :18.19).

Soti nan epok patriyach yo, pase nan misyon pwofet yo, rive nan aksyon Jesus plis ministe apot yo se menm Sentespri a k ap aji. Apot Pierre adrese yon mesaj avetisman  pou lekte Jounal L’Informateur yo : pa kite entelektyel pran tet nou ak vye opinyon ki pa mache ni kadre ak laverite(2Pier 3 :15,16). Nan pratik lavi kretyen nan, pran abitid suiv konpotman kretyen bereyen yo(Actes 17:11).